සතුන්ගෙන් සිදුවන හානි පිලිබඳ අංගසම්පූර්ණ සමීක්ෂණ වාර්තාවක්..
- November 9, 2022
- No Comment
- 38
වාර්ෂිකව මෙරට වගාවන්ට සතුන්ගෙන් සිදුවන හානි පිලිබඳ අංගසම්පූර්ණ සමීක්ෂණ වාර්තාවක් අමාත්‍ය මහින්ද අමරවීර මහතා වෙත භාරදී තිබෙනවා.
හෙක්ටර් කොබ්බෑකඩුව ගොවි කටයුතු පරික්ෂණ හා පුහුණු ආයතනය සිදු කළ සමීක්ෂණ වාර්තාවකුයි මෙසේ භාරදෙනු ලැබුවේ.
ශ්‍රී ලංකාවේ ගොවිජනතාවගේ භෝගවලට වැඩිපුරම හානි කරනු ලබන්නේ වන සත්ව විශේෂ 6 දෙනෙකි.
ඒ අලියා, මොනරා, රිලවා, වඳුරා, වල් ඌරා හා දඬු ලේනායි.
මෙම සතුන්ගෙන් සිදු වන වගාහානි නිසා වාර්ෂික අස්වැන්නෙන් සියටට 40 ක් පමණ විනාශ වනවා.
වගාව සදහා බෝග වැපිරීමේ සිට අස්වැනන් නෙලාගන්නා අවස්ථාව දක්වා වැඩිම විනාශයක් සිදු කරන්නේ මොනරුන් විසිනුයි.
අදාළ සමීක්ෂණය හෙක්ටර් කොබ්බෑකඩුව ගොවි කටයුතු පරික්ෂණ හා පුහුණු ආයතනයේ අධි පර්යේෂක රේණුකා වීරක්කොඩි මහත්මියගේ ප්‍රධානත්වයෙන් යුත් කණ්ඩායමක් විසිනුයි සිදුකර ඇත්තේ.
මෙරට වගාවන්ට වන සතුන්ගෙන් සිදු වන වගා හා හා එයින් ආර්ථිකයට සිදු වන බලපෑමපිළිබද සමීක්ෂණයක් සිදු කරන ලෙස අමාත්‍ය මහින්ද අමරවීර මහතා මෙම ආයතනය උපදෙස් ලබාදී තිබෙනවා.
මෙම වාර්තාව ලබාදීමේ අවස්ථාවට කෘෂිකර්ම අමාත්‍යාංශයේ ලේකම් රෝහණ පුෂ්පකුමාර මහතාද එක්ව සිටියා.
