ලංගමයේ බස් රථ ගමනාන්තය බැලීමට ඩිජිටල් සිතියම් සහිත යෙදවුමක් (APP).!
- November 7, 2022
- No Comment
- 37
ලංගමයේ අලුත්ම බලාපොරොත්තුව
ලංකා ගමනාගමන මණ්ඩලයේ බස් රථ ගමන් ආරම්භක ස්ථානයේ සිට ගමනාන්තය දක්වා ධාවනය කිරීමේ දී අතරමග එක් එක් නැවතුම දක්වා ගමන් කිරීමට ගතවන කාලය, දුර ප්‍රමාණය දැක්වෙන ඩිජිටල් සිතියම් සහිත යෙදවුමක් (APP) සකස් කිරීමට මිනින්දෝරු දෙපාර්තමේන්තුව කටයුතු යොදා ඇත.
මෙම යෙදවුම් ලංකා ගමනාගමන මණ්ඩලය එක්ව සකස් කරන බවත්, මෙහි සංකල්පය මිනින්දෝරු දෙපාර්තමේන්තුව විසින් ඉදිරිපත් කළ බව මැනුම්පති ඒ. දිසානායක පැවැසීය. මෙම සිතියම් ව්‍යාපෘතිය නියමු ව්‍යාපෘතියක් ලෙස කොළඹ දිස්ත්‍රික්කයෙන් මුලින්ම ආරම්භ කිරීමට නියමිත බවද මැනුම්පතිවරයා පැවසුවේය.
ලංකා ගමනාගමන මණ්ඩලය කොළඹ දිස්ත්‍රික්කයේ බස් රථ ධාවනය කරන මාර්ග සහ එක් එක් බස් නැවතුම දක්වා ගමන් ආරම්භයේ සිට ගතවන කාලය මෙම සිතියමට ඇතුළත් කෙරෙන බවත්. එමෙන්ම වාහන තදබදය වැඩි සහ අඩු අවස්ථාවන්හිදී ඒ ඒ බස් නැවතුමට ගමන් කිරීමට ගතවන කාලය මෙම 3D සිතියම් මගින් දැක්වෙන බවද මැනුම්පතිවරයා කීවේය. සිතියම් සහිත මෙම යෙදවුමට කඩිනමින් රට පුරා ලංකා ගමනාගමන මණ්ඩලයේ බස් ධාවනය කරන සියලු මාර්ග පද්ධති ආවරණය කිරීමට බලාපොරොත්තු වන බවද ඔහු සඳහන් කළේය.
