ශ්‍රීලනිපයේ බහුතරය මෛත්‍රීට කොකා පෙන්නා රනිල් සමග එක්වෙයි !
- September 8, 2022
- No Comment
- 19
ශ්‍රී ලංකා නිදහස් පක්ෂය නියෝජනය කරමින් පාර්ලිමේන්තුවට තේරී පත්වූ මන්ත්‍රීවරුන් 07 දෙනෙකු අද (08) දිනයේදී රාජ්‍ය අමාත්‍ය තනතුරුවල දිවුරුම් දී තිබේ.
ඒ, ජගත් පුෂ්පකුමාර, රංජිත් සියඹලාපිටිය, ලසන්ත අලගියවන්න, ශාන්ත බණ්ඩාර, කාදර් මස්තාන්, සුරේන් රාඝවන්, චාමර සම්පත් දසනායක යන මන්ත්‍රීවරුන් ය.
මීට පෙර පක්ෂයේ ජ්‍යේෂ්ඨයින් දෙදෙනෙකු වන නිමල් සිරිපාල ද සිල්වා සහ මහින්ද අමරවීර යන මහත්වරුන් ද කැබිනට් අමාත්‍යවරුන් වශයෙන් රනිල් වික්‍රමසිංහ මහතාගේ රජයට එක්වී තිබිණි.
ඒ අනුව දැනට පක්ෂ නායක මෛත්‍රීපාල සිරිසේන මහතා සමග සිටින්නේ දයාසිරි ජයසේකර, දුෂ්මන්ත මිත්‍රපාල, අංගජන් රාමනාදන්, ෂාන් විජයලාල් සහ දුමින්ද දිසානායක යන මන්ත්‍රීවරුන් පමණි. එහෙයින් පැහැදිලිවම ශ්‍රීලනිප මන්ත්‍රී කණ්ඩායමේ බහුතරය දැනටමත් මෛත්‍රීපාල සිරිසේන මහතාව අත්හැර දමා ජනාධිපති රනිල් වික්‍රමසිංහ මහතා සමග එක්ව ඇති බව පෙනේ.
