මූගල් අධිරාජ්‍යයේ ප්‍රභලම රැජිණ ජෝධා..!

“පරපුරේ මරිය මාතාව” එහෙමත් නැතිනම් “පරපුරේ උසස්ම කාන්තාව” ලෙස නම්කර ඇති මාරියම්-උස්-සමානි- මහා මෝගල් අධිරාජිනිය සහ අක්බර් අධිරාජ්‍යයාගේ භාර්යාව, හර්කාබායි, කියන නම් වලින්ද හඳුන්වනේ ජෝධා රැජින කියන කාරණය දැනටමත් විවාදාත්මකව පවතින දෙයක්.
ඒත් ඉතිහාසඥයින් පවසන විදිහට ඇය 1569 දී ඇයගේ පුතා වුනු ෆතේපූර් සික්රිහිදී සලීම් කුමරු (ජහන්ගීර් අධිරාජ්‍යයා) බිහි කළ නිසා අක්බාර් අධිරාජ්‍යයා ඇයට ගෞරවයක් ලෙස “මයියම්-උස්-සමානි” යන පදවි නාමය පිරිනැමුවා කියලා.

මේ වැනි කාරණා නිසා ඉහතින් හැඳින්වූ නම් සියල්ලම ජෝධා හැඳින්වීමට භාවිතා කල බවට සලකන්න පුලුවන්.

01. ජෝධාගේ උපත

ඇය 1542 ඔක්තෝම්බර් 1 වන දින තමයි උපන්නේ. ඇගේ පියා ජායිපූර්හි පාලකයා වූ රාජා භර්මාල් ය. ඇගේ ළමා කාලයේ ඇයව සියල්ලෝම හැඳින්වූයේ හීරා කුමාරිකාව කියලා.

02. විවාහය සහ ආදරය

මූගල් අධිරාජ්‍යයේ පෙම් යුවල විදියට ඉතිහාසගත වෙලා තියෙන්නේ ජොධාගේ සහ අක්බාර්ගේ ආදර කතාව. ඉතින් මේ විවාහය සිද්ධ වුනේ නම් සම්පූර්ණයෙන්ම ජායිපූර් රජු සහ මූගල් අධිරාජ්‍යයා අතර දේශපාලන සන්ධානයක් විදියටයි. ඔවුන්⁣ගේ විවාහය සිද්ධ වෙන්නේ 1562 දී. අක්බාර් රජු ජෝධාට කලින් තමන්ට වඩා වයසින් වැඩි කුමාරිකාවන් තුන් දෙනෙක් විවාහ කරගත්තා. ජෝධා කියන්නේ ඔහුගේ හතරවන බිරිඳ. ඔවුන් දෙදෙනා විවාහ වන විට දෙදෙනාම සම වයසේ. මේ නිසා ඔවුන්ගේ අදහස් සහ සිතුම් පැතුම් හොඳින්ම ගැළපුණු බව තමයි සඳහන් වෙන්නේ. ලංකාවේ සාලිය අශෝක මාලාගේ ආදරය වගේම ජෝධාගේ සහ අක්බාර්ගේ ආදරයත් ඉතිහාසගත වුන පෙම් පුවතක්.

03. ජෝධා රැජිණ මූගල් අධිරාජ්‍යයේ ආගමික සංහිදියාව වෙනුවෙන් කළ සේවාව

ජෝධා හින්දු කාන්තාවක්. එවකට මූගල් අධිරාජ්‍යය තුළ හින්දු බැතිමතුන් සඳහා බදු පනවලා තිබුනා. ඇය මේ බදු අහෝසි කරන්න කියල අක්බාර් රජුගෙන් ඉල්ලා සිටියා. එම නිසා හින්දුන් සඳහා වූ බද්ද අක්බාර් රජු විසින් ඉවත් කලා. මෙය හින්දූන් වෙනුවෙන් ඉටු කල සුවිශේෂී උපකාරයක් විදියට ඉතිහාසයේ සඳහන් වෙනවා.
ඒ වගේම ඇය ක්‍රිශ්ණු දෙවියන්ගේ බැතිමතෙක්. මෝගල් අධිරාජ්‍යයේ මාලිගාව ඇතුලේම දෙවියන්ට වන්දනා කරන්න කුටියක් හදාගත් ඇය මේ අවස්ථාව රටේ අනිකුත් අයටත් ලබා දුන්නා.

මේ දෙදෙනාගේ ආදරය සහ විවාහය අක්බාර්ගේ පාලන කාලයේදී වගේම පසුකාලීනව මූගල් පාලනයේ ආගමික හා දේශපාලන ප්‍රතිපත්ති කෙරෙහි ගැඹුරු බලපෑමක් ඇති කරා.

ජෝධා නිසා හින්දු භක්තිකයන් පිළිබඳ අක්බර්ගේ ලිබරල් ආකල්පයත් සමඟ ඔහු ඉන්දියාව පුරා විශිෂ්ට රජෙක් බවට පත්වුනා. ඇය නිසා තමයි සියලු ආගමිකයන්ට, සියලු නිකායන්ට සමානව සලකන්න පටන් ගත්තේ.

රැජින නිසා අක්බාර් බොහෝ හින්දු විශ්වාසයන් අනුගමනය කළ අතර එදිනෙදා ජීවිතයේදී ඒවා පිළිපැද්දා. ඒ වගේම උසාවියේදී හින්දු භක්තිකයින්ට ඉහළ ප්‍රමුඛත්වයක් ලබා දෙන්නත් රජු කටයුතු කළා. ඔහු බොහෝ හින්දු උත්සව සැමරීමට අවසර ලබා දුන්න. ඒ වගේම ඔහුද හින්දු උත්සව සැමරුම් සඳහා සහභාගී වුනා. කෙසේ හෝ ජෝධා බෙගම් මෝගල් රාජ සභාවේ උසස් නිලය භුක්ති වින්දා වගේම පරිපාලන ප්‍රශ්නවලදීද තම බලය පෙන්වන්න සමත් වුනා.

04. රැජිණක් විදියට ඇය කළ සුවිශේෂි දේවල්

ඇයව හින්දුස්ථානයේ, ඉන්දියාවේ රැජින ලෙසත් හඳුන්වනවා. අක්බාර් රජු ඇයව හැඳින්වූයේ දෙවියන්ගේ ත්‍යාගයක් කියලා. ඉතිහාසයේ සාක්ෂි වලට අනුව ගරු නම්බුනාම විශාල ප්‍රමාණයක් ඇයට ලැබිල තියෙනවා. ඇය ඉතාම නුවනැති කාන්තාවක් වගේම තම ස්වාමියාගේ අක්බාර් රජුගේ පරිපාලන කටයුතු ද පහසු කරා.
රජු මාළිගයේ නොමැති විට පවා බොහෝ තීන්දු තීරණ ගත්තේ ඇයයි. ඇයට රාජ්‍යයේ නීති අනපනත් ක්‍රියාත්මක කරන්න, අත්සන් කරන්න බලය පැවරිලත් තිබුනා.
රැජිණ විදේශ වෙළෙඳ හා වාණිජ කටයුතු අමාත්‍යාංශය බලාගත්තා. මේ නිසා බදු ක්‍රම හා නීති රීති බෙහොමයක් සාමාන්‍ය ජනතාවට පහසුවන ලෙස වෙනස් කරන්න කටයුතු කලා.

ඇය රාජ්‍ය පාලනයට සම්බන්ධ වුනත් කාන්තාවක් විදියට ස්වාධීනව ඇගේ ව්‍යාපාර කටයුතු කරගෙන ගියා.

05. ඇයගේ ව්‍යාපාර කටයුතු

ඉස්ලාම් කාන්තාවන් ආගම තුලින් එන නීති රීති වලට ගරු කළා. මේ කාලයේ කාන්තාවන්ට ව්‍යාපාර කරන්නට තියා හිතන්නටවත් බැරි තත්වයක් තිබුනේ. නමුත් ඇය කාන්තාවක් ලෙස ව්‍යාපාරයක් කරගෙන යා හැකිබව එවකට ඉස්ලාම් කාන්තාවන්ට ඒත්තු ගැන්වීමට උත්සහ කළා.

ඇය ව්‍යාපාරික කාන්තාවක් ලෙස ප්‍රසිද්ධ වුනා. ඒ වගේම ඈ සතුව රතු මුහුදේ මගීන් මෙන්ම භාණ්ඩ ප්‍රවහනය කරන නෞකා විශාල ප්‍රමාණයක් තිබුනා.
විශේෂයෙන්ම ඇය මක්කම වන්දනාවට යන බැතිමතුන් සඳහා නෞකා කිහියක්ම යොදවා තිබු බව සඳහන් වෙනවා. ඇය ව්‍යාපාරිකාවක් ලෙස දියුණුවට පත් වූ කාන්තාවක් වගේම ආදර්ශමත් රැජිණක් කියලත් සඳහන් කරන්න පුළුවන්.

06. ජෝධා රැජිණගේ මරණය

ජෝධා විසින් ජහන්ගීර් කුමරුට උපත ලබා දුන්නා. ඔහු තමයි පසුකාලයේ මූගල් රාජවංශයේ අධිරාජයා බවට පත් වූ අක්බර්ට රජුට පසුව අධිරාජ්‍යයා වුනේ.
ඇයගේ ස්වාමි පුරැෂයා වූ, තමන්ගේ රට වැසියන්ට අති විශාල සේවයක් කළ අක්බාර් රජු 1905 වසරේ ඔක්තෝම්බර් 27 මිය ගියා. අක්බර් රජුගේ මරණයෙන් පස්සේ රජු බවට පත් වන්නේ ඇයගේ පුතා ජහන්ගීර්. ඉතින් ඇය ඔහුට අධිරාජ්‍යය පාලනය කරන්න සෘජුවම උපදෙස් දුන්නා.

කොහොම වුනත් අක්බාර්ගේ මරණෙන් පස්සේ ඇය තවත් අවුරුදු විස්සක් ජීවත් වුණා. ඇය වයස අවුරුදු 80 දී මියගියා.

ඇය හින්දු රැජිනක් වුනත් ඇයගේ අවසන් කැමැත්තට ගරු කරමින් ඉස්ලාමීය චාරිත්‍රනුකූලව ඇයව මිහිදන් කරා. මුලදී ඇයගේ සොහොන හාරා ඇත්තේ පඩිපෙළ ළිඳක වන අතර එය පසුව ඇගේ පුත් ජහන්ගීර් අධිරාජ්‍යයා විසින් ඇගේ සොහොන් ගෙය තුළ ඉදිකලා.

අදටත්, අක්බාර් රජුගේ සහ ජෝධා රැජිණගේ සොහොන් ආදරය, සමෘද්ධිය, ආගමික සහජීවනය සහ එකමුතුකමේ සංකේතය විදිහට සලකනවා.