බැසිල් රාජපක්ෂට උණුසුම් පිළිගැනීමක්..!
- November 20, 2022
- No Comment
- 61
ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ මහතා මීට ටික වේලාවකට පෙර දිවයිනට පැමිණියේ ය.
අප වාර්තාකරු සඳහන් කළේ, ඩුබායි සිට මෙරටට පැමිණි එමිරේට්ස් ගුවන් සේවයට අයත් E.K – 650 දරණ ගුවන් යානයෙන් බැසිල් රාජපක්ෂ මහතා දිවයිනට පැමිණි බවය.
මෙහිදී ගුවන් තොටුපොළෙන් පිටතට පැමිණි පාර්ලිමේන්තු මන්ත්‍රී සනත් නිශාන්ත මාධ්‍යවේදීන් හමුවේ මෙලෙස අදහස් දැක්වීය.
“පොදුජන පෙරමුණේ ජාතික සංවිධායක විදියට එතුමාට පැවරෙන කාර්යභාරය පක්ෂය ප්‍රවර්ධනය කිරීම සහ ඉදිරි කටයුතු. ඒ පිළිබඳ සැලසුම එතුමා තමා දන්නේ. ලෝකයේ රටවල් සියල්ලගේම ඉතා කෙටි කාලයකින් අලුතින් පක්ෂයක් ලියාපදිංචි කරලා, පළාත් පාලන මැතිවරණය, ජනාධිපතිවරණය, පාර්ලිමේන්තු මැතිවරණය කියන සියලු මැතිවරණ ජයග්‍රහණය කරපු පක්ෂයක්. ඒ නිසා එහි නිර්මාතෘ විදියට බැසිල් මහත්තයා තමා කටයුතු කළේ. එතුමාගේ පැමිණීම ශක්තියක්.”
ඔහු පිළිගැනීම සඳහා ශ්‍රී ලංකා පොදුජන පෙරමුණේ මැති ඇමතිවරුන් රැසක් ගුවන් තොටුපොළට පැමිණ සිටි බව වාර්තා සඳහන් කළේ ය.
