ඥානසාර හිමියන් අත්අඩංගුවට ගන්නැයි වරෙන්තුවක්
- October 14, 2022
- No Comment
- 47
මාධ්‍ය සාකඡාවක් පවත්වමින් මුස්ලිම් ජනයා හා සිංහල ජනතාව අතර අසමගිය ඇති වන අයුරින් ප්‍රකාශයක් සිදු කිරිමේ චෝදනාවක් සම්බන්ධ නඩුවකට අධිකරණය හමුවේ පෙනි නොසිටි ගලගොඩ අත්තේ ඥානසාර හිමි අත්අඩංගුවට ගෙන අධිකරණයට ඉදිරිපත් කරන ලෙස දන්වමින් කොළඹ අතිරේක මහෙස්ත්‍රාත් ශලිනි පෙරේරා මහත්මිය අද(14) වරෙන්තු නිකුත් කළාය.
සිද්ධියට අදාල නඩුව අද යළි කැදවු අතර ඥානසාර හිමි අධිකරණය හමුවේ පෙනි නොසිටිම හේතුවෙන් මෙම වරෙන්තුව මහෙස්ත්‍රාත්වරිය නිකුත් කරමින් කොළඹ අපරාධ කොට්ඨාශය වෙත සදහන් කරනු ලැබුවේ සැකකාර හිමිනම අත්අඩංගුවට ගෙන අධිකරණයට ඉදිරිපත් කරන ලෙසටය.
සැකකාර හිමි නම විදේශගතව ඇති බවත් අද අධිකරණය හමුවේ පෙනි නොසිටින බවට ඥානසාර හිමියන් වෙනුවෙන් පෙනි සිටි නීතිඥවරයා අධිකරණය හමුවේ කරුණු දැක්විම ද සලකා බලා මහෙස්ත්‍රාත්වරිය මෙම නියෝගය නිකුත් කළාය.
