ජනතාවගෙන් තව බදු වෙනුවට සොරා කෑ මුදල් යළි ලබාගැනීමට ක්‍රමයක් ගෙන්න – GL
- November 7, 2022
- No Comment
- 48
නුදුරු අනාගතයේදීම අසීමිත බදු බර නිසා ජනතාවට හුස්ම ගත නොහැකි නොමරා මැරෙන තත්වයක් ඇතිවන බව කී ජී.එල් පීරිස් මහතා බදු හැර ආදායම් සෙවිය හැකි විකල්ප නොමැති බව රජය කියමින් සිටින බව ද සඳහන් කළේය.
ජනතාව තව තව බදු බරින් මිරිකීම වෙනුවට ජනතාවගෙන් සොරා කෑ මුදල් යළි මහා භාණ්ඩාගාරයට ලබාගැනීම ආදී ආදායම් ලබාගත හැකි ක්‍රම සම්බන්ධයෙන් රජය ගැඹුරින් සිතාබැලිය යුතු බව ද මන්ත්‍රීවරයා කීවේය.
මහාචාර්ය ජී.එල්.පීරිස් මහතා මේ බව පැවසුවේ කොළඹ දී අද (7) පැවති මාධ්‍ය හමුවක් අමතමිනි.
ඩොලර් 179 බැගින් ගත හැකි ගල් අඟුරු මෙටි්‍රක් ටොන් එකක් ඩොලර් 284 බැගින් වන පරිදි ටොන් ලක්‍ෂ 63ක් ගෙන්වා ඇති බව විගණන වාර්තාවකින් හෙළි වී ඇති බව ලංකාදීප ඉකුත් 12 වැනිදා පුවත්පතේත්, අලුත් කැලණි පාලම හා අතුරුගිරිය අතර අධිවේග මාර්ගය සම්බන්ධයෙන් දූෂිත ගණුදෙනුවක් ඇති බවත් ඉන් කෝටි ගණනක් රටට අහිමි වී ඇති බවත් සන්ඩේ ටයිම්ස් පුවත්පතේත් වාර්තා කර තිබූ බව කී මන්ත්‍රීවරයා මේවා සම්බන්ධයෙන් ජනතා විශ්වාසය දිනාගත හැකි අපක්‍ෂපාතී විමර්ශනයක් පවත්වා සොරා කෑ මුදල් ජනතාව අතට යළි ලබාදිය යුතු බවත් පැවසීය.
ජනතාව තව බදු වෙනුවට සොරා කෑ මුදල් යළි මහා භාණ්ඩාගාරයට ලබාගැනීම
