මහින්ද සමග නැගිටින්න ගම්පහ රැස්වීමක් මම සංවිධානය කරන්නේ නෑ – ප්‍රසන්න

ශ්‍රී ලංකා පොදුජන පෙරමුණ මේ දිනවල මහින්ද රාජපක්ෂ මහතාගේ ප්‍රධානත්වයෙන් පවත්වාගෙන රැස්වීම් මාලාවෙහි ගම්පහ දිස්ත්‍රික්කයේ රැස්වීම තමන් සංවිධානය නොකරන බව ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග මහතා පවසයි.

ගම්පහ දිස්ත්‍රික්කය සඳහා දෙසැම්බර් මාසයේ දිනයක් ලබාදී ඇතත් තමන්ගෙන් ඉල්ලීමක් කළත් තමන් එය සංවිධානය නොකරන බවයි ඒ මහතා අවධාරණය කළේ.

මහින්ද රාජපක්ෂ මහතා තවදුරටත් දේශපාලනයෙහි රැඳී සිටින්නේද යන්න පිළිබඳව ඒ මහතා විසින්ම තීරණයක් ගතයුතු බවත් රණතුංග මහතා ප්‍රකාශ කළේය.

අමාත්‍ය ප්‍රසන්න රණතුංග මහතා මේ බව පැවසුවේ හිරු රූපවාහිනී නාලිකාවේ ප්‍රවෘත්ති විශේෂාංග වැඩසටහනකට එක්වෙමිනි.