මර්දනය දිගටම… රතිඳු සේනාරත්න (රැට්ටා) යළිත් අත්අඩංගුවට

රනිල් වික්‍රමසිංහ ජනාධිපති ධුරයේ දිවුරුම්‘ දීමත් සමග ඇරඹි මර්දන කියාමාර්ග තව දුරටත් ඉදිරියට යමින් ගෝල්ෆේස් ජන අරගලයේ ප්‍රධාන ක්‍රියාකරුවෙක් වූ රතිඳු සේනාරත්න ( රැට්ටා)  අද (01) සවස යළිත් වරක් කොළඹ මධ්‍යම කොට්ඨාස අපරාධ විමර්ශන කාර්යාංශය මගින් අත්අඩංගුවට ගත්තේය.

පසුගිය 13 වැනිදා  පාර්ලිමේන්තු පිවිසුම ආසන්නයේ පොල්දූව මංසන්ධියේ දී ඇති වූ ගැටුම සම්බන්ධව පැතුම් කර්නර් ගේ මැදිහත්වීම ගැන කටඋත්තරයක් ගැනීම සඳහා කොළඹ අපරාධ කොට්ටාසයට  කැඳවූ රතිඳු සේනාරත්නගෙන්  ප්‍රකාශය සටහන් කරගෙන ඔහුව පිටත් කළ හැරිය පසු  එම ස්ථානයට නුදුරේදී ඔහුව කොළඹ කොළඹ මධ්‍යම කොට්ඨාස අපරාධ විමර්ශන කාර්යාංශය මගින් අත්අඩංගුවට ගෙන තිබිණි.

මේ වනවිට ඔහුගෙන් ප්‍රශ්න කරමින් ඇති බවත් අත්අඩංගුවට ගැනීමට හේතුව ලෙස දක්වා ඇත්තේ පසුගිය මැයි 21 වැනිදා අධිකරණ නියෝග කඩකරමින් උද්ඝෝෂණයක් කිරීම බවත් පොලිස් ආරංචි මාර්ග කියයි.