නීතිඥවරිය පැදවූ මෝටර් රිය සියඹලා ගසක ගැටී 3ක් මරුට
- October 18, 2022
- No Comment
- 32
පාදෙනිය – අනුරාධපුර මාර්ගයේ ඇල්ල ගජනැග්ගම ප්‍රදේශයේදී ඊයේ (17දා) උදෑසන 10.30ට පමණ සිදුවූ රිය අනතුරින් තිදෙනකු මරණයට පත්ව දෙදෙනකු රෝහල්ගත කර තිබේ. මියගොස් ඇත්තේ එම නීතිඥවරියගේ මව, පියා සහ පුත්‍රයාය.
මෙසේ මරණයට පත්ව ඇත්තේ අනුරාධපුර ගුවන්තොටුපළ මාර්ගයේ පදිංචි එකම පවුලේ තිදෙනෙකි.
හතළිස් පස් හැවිරිදි නීතිඥවරියක විසින් අනතුරට පත් රිය පදවා ඇති අතර මියගොස් ඇත්තේ එම නීතිඥවරියගේ මව, පියා සහ පුත්‍රයාය. මියගිය පුත්‍රයා සිව් හැවිරිදි ඩබ්ලිව්. එම්. ආදිත්‍ය මනුල වන අතර පියා හැත්තෑ එක් හැවිරිදි සුනන්ද වර්ණකුලසූරිය සහ මව හැත්තෑ වියැති ඩබ්ලිව්. ලීලාවතී වේ.
මාර්ගය අසල ඇති සියඹලා ගසක මෝටර් රථය ගැටීමෙන් මෙම අනතුර සිදුව තිබේ. මෝටර් රථය පදවාගෙන ගිය නීතිඥවරිය සහ ඇගේ තවත් ඥාතිවරියක දැඩි තුවාල සහිතව ප්‍රතිකාර සඳහා කුරුණෑගල ශික්ෂණ රෝහලට ඇතුළත් කළ බව නාගොල්ලාගම පොලිසියේ රථ වාහන අංශය පවසයි.
අනතුර පිළිබඳ වැඩිදුර පරීක්ෂණ නාගොල්ලාගම පොලිසියේ ප්‍රධාන පොලිස් පරීක්ෂක දුමින්ද කුමාර, රථ වාහන අංශයේ ස්ථානාධිපති පොලිස් සැරයන් (30794) අනුර, පොලිස් කොස්තාපල් (67736) බාලසූරිය යන නිලධාරීහු වැඩිදුර පරීක්ෂණ පවත්වති.
යාපහුව – විජේරත්න
