ජාතික සභාව පිළිබඳ පාර්ලිමේන්තු විවාදය අද
- September 20, 2022
- No Comment
- 41
ජාතික සභාව පිළිබඳ පාර්ලිමේන්තු විවාදය අද ආරම්භ වනවා.
රටේ ප්‍රශ්න විසදීම සදහා ජාතික සභාවක් පිහිටුවීම පිළිබද යෝජනාව අද ආණ්ඩු පක්ෂය මගින් පාර්ලිමේන්තුවට ඉදිරිපත කිරීමට නියමිතයි. ඒ අනුව ඊට අදාළ විවාදය පස්වරු 5.30 දක්වා පැවැත්වෙනු ඇති. ජාතික සභාවේ සභාපතිත්වය කතානයවරයාට හිමිවන අතර අග්‍රාමාත්‍යවරයා සභානායකවරයා විපක්ෂ නායකවරයා ආණ්ඩු පක්ෂයේ ප්‍රධාන සංවිධායකවරයා සහ දේශපාලන පක්ෂවල නායකයින් විසින් තීරණය කරනු ලබන පාර්ලිමේන්තුව නියෝජනය කරන මන්ත්‍රීවරුන් 35කට නොවැඩි සංඛ්‍යාවකින් මෙම ජාතික සභාව සමන්විත වනු ඇති.
මේ අතර අද සිට පාසල් සිසුන් ඇතුළු පාර්ශ්වයන්ට පාර්ලිමේන්තුව නැරඹීමට අවස්ථාව උදාවන බව වේත්‍රධාරී නරේන්ද ප්‍රනාන්දු මහතා ප්‍රකාශ කර තිබෙනවා. ඒ අනුව පාසල් බලධාරීන් සිය අයැදුම්පත් වේත්‍රධාරී වෙත ලිපියකින් හෝ ෆැක්ස් මගින් හෝ ඩබ්ලිව් ඩබ්ලිව් ඩබ්ලිව් ඩොට් පාර්ලිමන්ට් ඩොට් එල් කේ වෙබ් අඩවිය ඔස්සේ මාර්ගගත ක්‍රමවේදය ඔස්සේ යොමුකළ හැකියි.
