කබ්රාල්ගේ විදෙස් ගමන් තහනම දීර්ඝ කරයි

හිටපු මහ බැංකු අධිපති අජිත් නිවාඩ් කබ්රාල් මහතාට පනවා තිබූ විදෙස් ගමන් තහනම නොවැම්බර් 24 වැනි දක්වා තවදුරටත් දිර්ඝ කිරීමට ‍කොළඹ අතිරේක මහේස්ත්‍රාත් හර්ෂණ කැකුණවෙල ඔක්තෝබර් 26 වන දින නියෝගයක් නිකුත් කරමින් පවසා ඇත.

2022 මුල් කාලයේදි ස්වෛරි බැඳුම්කරවලින් ගත් ඇමරිකානු ඩොලර්  මිලියන 550 ක් මුදලක් ගෙවීමෙන් රට බංකොළොත් තත්ත්වයට පත් වූ බව පවසමින් අදාල පැමිණිල්ල ගොනු කර තිබුණි.

අජිත් නිවාඩ් කබ්රාල් මහතා රුපියල් ලක්ෂ 10 බැගින් වූ ශරීර ඇප දෙකක් මත මුදා හැරීමට අතිරේක මහේස්ත්‍රාත්වරයා නියෝග කර තිබුණි.

පැමිණිලිකරු මෙම නඩුව ගොනු කර ඇත්තේ සාධාරණ හේතුවකින් තොරව බැවින් නඩුව ප්‍රතික්ෂේප කරන ලෙස කබ්රාල් මහතා වෙනුවෙන් පෙනි සිටි නීතිඥවරුන් අධිකරණයෙන් ඉල්ලා සිටි අතර මේ සම්බන්ධයෙන් දෙපාර්ශවයේ විරෝධතා ලබන මස 24 වැනිදා ගොනු කරන ලෙස ද අධිකරණය දැනුම් දී තිබුණි.